Pas reagimeve për vendimin që librat të blihen vetë nga prindërit, e më pas të rimbursohen, zv.ministri i Arsimit, Taulant Kelmendi ka bërë një deklarim shtesë.
Ai thotë se nuk do të lejohen çmimet abuzuese dhe të paarsyeshme të librave, ndërsa shton se në 5 vitet e fundit janë shpenzuar afër 52 milionë euro për blerjen e teksteve shkollore nga shtëpitë botuese.
“Janë të papranueshme, të paarsyeshme dhe abuzuese çmimet e librave 27 e 30 euro. Sigurisht kjo nuk do të lejohet në qeverisjen tonë”, ka shkruar ai.
Postimi i tij:
Në 5 vitet e fundit janë shpenzuar afër 52 milionë euro për blerjen e teksteve shkollore nga shtëpitë botuese.
Janë të papranueshme, të paarsyeshme dhe abuzuese çmimet e librave 27 e 30 euro.
Sigurisht kjo nuk do të lejohet në qeverisjen tonë.
Përveç përmirësimit të cilësisë së teksteve, ne po angazhohemi të ndalet abuzimi me buxhetin e shtetit.
Në anën tjetër, reagime të pritshme nga grupet e interesit për të mbrojtur abuzimet me tekstet shkollore.
Kjo nuk kalon!
