Ministrja e Arsimit, Arbërie Nagavci, ka njoftuar se ka hapur thirrjen për ofertues të programeve të trajnimit të mësimdhënësve në shërbim dhe punonjësve arsimorë, shkruan AlbanianEducation.net.
Njoftimi i shkollës:
Bazuar në Udhëzimin Administrativ për kriteret dhe procedurat e aprovimit të programeve për zhvillimin profesional të mësimdhënësve dhe punonjësve arsimor si dhe Kornizën strategjike për zhvillimin e mësimdhënësve në Kosovë, kemi hapur thirrjen për ofertues të programeve të trajnimit të mësimdhënësve në shërbim dhe punonjësve arsimorë.
Sipas kërkesave të identifikuara nga DKA dhe shkollat, në Strategjinë e Arsimit 2022-2026 si dhe analizat e nevojave për zhvillim profesional të mësimdhënësve, është përgatitur një listë me fusha prioritare për ngritjen profesionale të mësimdhënësve dhe punonjësve arsimor.
Aplikimi do të jetë i hapur nga data 15 nëntor deri më 15 dhjetor 2023.
Inkurajojmë ofertuesit të aplikojnë me programe të cilat ndërlidhen me fushat prioritare të cilat i gjeni në këtë link: KËTU
