Një projekt i rëndësishëm për zhvillimin profesional të mësimdhënësve me bazë në shkollë do të fillojë të zbatohet në gjashtë shkolla të Gjakovës, shkruan AlbanianEducation.net.
Kështu ka njoftuar Drejtoria e Arsimit në Gjakovë, ku thotë se projekti do të zbatohet në shkollat “Kelmend Rizvanolli, “Mazllum Këpuska”, “Fehmi Agani”, “Ukshin Myftari”, “Ali.M.Hasi” dhe “Jahë Salihu”.
Njoftimi i plotë:
Gjashtë nga shkollat e komunës tonë janë përzgjedhur nga DKA, për projektin e KosEd i cili implementohet nga programi i EU me Ministrinë e Arsimit në kuadër të komponentës: zhvillimi profesional i mësimdhënësve me bazë në shkollë.
Shkollat do të jenë pjesë e programit për përmirësimin e cilësisë së performancës së shkollës përmes vlerësimit të udhëhequr nga kolegët.
Në këtë fazë është me prioritet formimi i ekipit të vetëvlerësimit të shkollës.Ekipi i shkollës formohet për ta vlerësuar performancën e shkollës, në secilin prej pesë fushave të cilësisë së shkollës:
✔️ Menaxhimi dhe Qeverisja
✔️Kultura dhe Mjedisi Shkollor
✔️ Mësimdhënia dhe nxënia
✔️ Zhvillimi Profesional i Mësimdhënësve me bazë në shkollë
✔️ Performanca e nxënësve
Ekipi i shkollës do të ketë së paku 5 anëtarë dhe maksimum 11 anëtarë për shkollat me numer të madh të personelit mësimdhënës.
Anëtarët e ekipit të vetëvlerësimit të shkollës do të jenë nga radhët e personelit të shkollës, mësimdhënës – udhëheqës të aktivave profesionale, pedagogu i shkollës, koordinatori i cilësisë së shkollës, etj.
Për këtë komponentë është duke u punuar me shkollat në dy drejtime:
⭕️Sigurimi i cilësisë – përmes zbatimit të vetëvlerësimit të performancës së shkollës, duke e integruar vlerësimin nga kolegët në nivel shkolle dhe vlerësimin nga kolegët e Ekipit Komunal, si qasje për të identifikuar nevojat për ZHPM dhe për të mbështetur mësimdhënësit në avancimin e mësimdhënies dhe nxënies; si dhe
⭕️Shtrirja e programi të trajnimit: Praktikat pedagogjike të bazuara në dëshmi.
Programi i trajnimit me bazë në shkollë, ka 8 module, 50 orë për certifikim në bazë të akreditimit në MASHTI.
#️⃣#️⃣#️⃣🔷️SHF”Kelmend Rizvanolli
🔷️SHMU”Mazllum Këpuska”
🔷️SHFMU”Fehmi Agani”
🔷️SHFMU”Ukshin Myftari”
🔷️SHFMU” Ali.M.Hasi”
🔷️SHFMU”Jahë Salihu”.
Suksese 😍
