Zbardhen detaje të reja për nxënësin nga Vitia që u gjet i vdekur në serrë

I mituri që u gjet i vdekur mbrëmë në një serrë në afërsi të shtëpisë së tij në Viti ka qenë nxënës i shkollës “Dëshmoret e Vitisë”, paralelja në Drobesh.

Kështu ka njoftuar drejtoresha e Arsimit në Viti, Fatbardha Emini, teksa ka ngushëlluar familjen për vdekjen e të riut.

Postimi i saj i plotë:

Telegram Ngushëllimi!

E nderuara familje Dinarica, nxënës e mësimdhënës të ShFMU “Dëshmoret e Vitisë” paralelja në Drobesh.

Sot, me dhimbje të thellë morëm lajmin për humbjen e jetës së më të dashurit tuaj dhe nxënësit tonë, Arif Dinarica.

Në emër të Drejtorisë së Arsimit dhe Personelit Arsimor në Komunën e Vitisë, pranoni ngushëllimet tona më të sinqerta.

Ne të gjithë po ndajmë dhimbje me ju në këto momente të vështira dhe pikëllimi.

Ngushëllime!