Zana Kurtishi Rudi është shpallur drejtoresha e muajit mars nga Drejtoria e Arsimit në Gjakovë, shkruan AlbanianaEducation.net.
Postimi i DKA në Gjakovë:
DREJTORI I MUAJIT ⚘️
Drejtoria e Arsimit ka vendosur që për çdo muaj të shpall drejtorët e muajit për arsye të menaxhimit dhe administrimit të shkëlqyer të shkollës pas verifikimit nga DKA.
Për muajin mars 2024 është zgjedhur edhe drejtoresha Zana Kurtishi Rudi nga SHF “Mustafa Bakija” për performancën e arritur në institucionin edukativo – arsimor.
Përveq kësaj, drejtoresha Zana njihet për transformimin e shkollës në një ambient të qetë, të pastër, punë ekipore të dalluar, sfiduese e shumë rrethanave që ka kaluar shkolla duke e kthyer këtë institucion në një vend të dashur për mësimdhënësit dhe nxënësit.
Ndër të tjera ajo veçohet edhe për zhvillimin e aktiviteteve të shumta në shkollë përpos planifikimeve të përditshme edhe me projekte dhe donatorët e ndryshëm duke arritur kështu rezultate të shkëlqyera nga nxënësit e shkollës të cilën e udhëheqë.
Këto vlerësime do të bëhen çdo muaj.
#Fushatëvlerësimi
