Xhevdet Pozhari: Tu ndalen pagat atyre që hyjnë në grevë, turp që i binden Rrahman Jasharit

Analisti politik, Xhevdet Pozhari ka kritikuar Rrahman Jasharin për paralajmërimin e grevës.

Sipas Pozharit, kushdo që detyrimisht dëshiron të hyj në grevë duhet t’i ndalet pagesa deri në momentin kur kthehet në procesin mësimor.

“Ministria mund të sjell një vendim, ta dërgoj në të gjitha institucionet- Kushdo që detyrimisht dëshiron të hyj në grevë, ashtu siç parashihet edhe në nenin për ligjin e grevave, t’i pezullohet paga, ndërsa atyre të cilët e vijojnë mësimin t’i vazhdohet pagesa”, tha Pozhari në Atv.

SBASHK-u këmbëngul që greva do të vazhdojë edhe pas 1 shtatorit, kurse ministrja Arbërie Nagavci thotë se mësimi do të fillojë më 1 shtator.