Analisti politik, Xhevdet Pozhari, ka reaguar pas kritikave që opozitarët po ia bëjnë ministres Arbërie Nagavci dhe po ia kërkojnë dorëheqjen.
Pozhari përmes një postimi në Facebook ka shkruar se “krimi” i pafalshëm i Nagavcit është pse ka hapur opsionin që paratë për libra të kalojnë direkt tek prindërit!
Postimi i tij:
I dëgjova krejt konferencat e opozitës që kërkonin dorëheqjen e Ministres Nagavci. “Krimi” i saj i pafalshëm pse ka hapur opsionin që paratë për libra të kalojnë direkt tek prindërit!
Asnjë fjalë të vetme nuk e thanë për monopolin e shtëpive botuese të cilat abuzojnë me çmime ngaqë e dinë se produktin e kanë të shitur para se ta shtypin.
Asnjë fjalë të vetme për mbrojtjen e buxhetit. Asnjë fjalë e vetme për tekstet skandaloze.
Shqetësuese kur njerëz të cilët e dinë më mirë se çdo kush se çfarë ka ndodhur me arsimin gjatë gjithë këtyre viteve, nuk gjejnë guxim të thonë – t’ja nisim prej së mbari.
