Sindikata e Arsimit ka deklaruar se e shtuna e 15 tetorit mund të konsiderohet si ditë e humbur e mësimit.
Me një deklaratë për media, SBASHK-u deklaron se MASHTI mund të jap shifra e deklarime, por realiteti në terren flet se në 70 % të institucioneve të arsimit fillor e të mesëm të ulët, këtë të shtunë nuk është mbajtur fare mësimi.
SBASHK ka thënë se edhe të shtunave tjera nuk do të ketë mësim.
Ndaj këtyre deklarimeve ka reaguar analisti Xhevdet Pozhari i cili është shprehur i ashpër me Rrahman Jasharajn duke i shkruar ‘hup dhe zhuku’.
“Shumica e mësimdhënësve zhvilluan sot mësimin, Rrahman Jasharaj paska reaguar kundër tyre.
Hup bre, zhduku! Mësimdhënësit nuk janë pronë as e sindikatës, as e ministrisë.
Janë veç në shërbim të edukimit të brezave të rinj”, ka shkruar Pozhari në Facebook.
