Xhavit Rexhaj: Testet në Kosovë, s’japin informacionet e duhura sa është përgatitur fëmija për jetë

Njohësi i çështjeve të arsimit, Xhavit Rexhaj, ka thënë se mënyra e vlerësimit të nxënësve në Kosovë nuk jep informacionet e duhura se sa është përgatitur fëmija për jetë.

Sipas tij, fëmijët hasin në problem për të dalë me rezultate pozitive për shkak të metodave të ndryshme të vlerësimit.

Ai ka thënë në “Konfront” të KTV-së se fëmijët brenda shkollave vlerësohen me mbamendje ndërsa në teste përballen me pyetje me alternativa. Ai ka thënë po ashtu se edhe në testet e arritshmërisë dhe maturës kanë pyetje me alternativa, “me tendenca kah e vjetra” e “jo që tregojnë se sa është përgatitur fëmija për jetë”.

Për dallim nga këto testime, Rexhaj ka thënë se vlerësimi PISA është krejt i ndryshëm dhe kjo e komplikon gjendjen.