Vlora Maliqi, arsimtare e Gjuhës angleze, është zgjedhur mësimdhënëse e dalluar në shkollën “Mehmet Gjevori” në Prishtinë, shkruan AlbanianEducation.net.
Njoftimi i shkollës:
Zgjodhëm mësimdhënësen e dalluar të vitit
Në garën e përvitshme për mësimdhënësin e dalluar, garë e cila organizohet për nder të 7 Marsit – “Ditës së Mësuesit”, në takimin e posaçëm të Këshillit të Mësimdhënësve, pas shqyrtimit të kritereve të caktuara nga DKA, zgjodhëm mësimdhënësen e dalluar të vitit, arsimtaren e Gjuhës angleze, Vlora Maliqi.
Me përvojën 25 vjeçare në fushën e arsimit, ajo është e dëshmuar dhe e dalluar në procesin e mësimdhënies.
Fillimisht, arsimtarja Vlorë do të na përfaqësojë në nivel të shkollave të Komunës së Prishtinës.
Arsimtares Vlorë i urojmë suksese në garën komunale dhe nacionale me karakter simbolik dhe motivues për vlerësimin e denjë të figurës së mësimdhënësit.
