Intervistoi: Arta Gashi
Në çdo festival që merr pjesë merr thuajse çmimet e para. Kështu ndodhi edhe në festivalin “Fëmijët e Gëzuar” që u mbajt në qytetin e saj, ku mori çmimin e pare në kategorinë e të kënduarit ‘live’, çka tregon se ka një zë të mrekullueshëm dhe po ec sigurit drejt ndërtimit të karrierës si këngëtare.
Fjala është për Vlera Kastratin, e cila është ambasadore e Fëmijëve të Kosovës në Francë .
Vlera në një intervistë për “Kids of Kosova” (www.kidsofkosova.net) flet për karrierën e deritanishme, ku tregon festivalet që ka marrë pjesë dhe çmimet që ka fituar, por jo vetëm.
Kids of Kosova: A bë një prezantim, nga jeni, sa vjeçare, ku ndiqni mësimet?
Vlera Kastrati: Jam nga Ferizaj , 12 vjeçare dhe mësimet i vijoj në shkollën fillore “Ganimete Terbeshi”.
Kids of Kosova: Kur keni filluar të merreni me muzikë?
Vlera Kastrati: Unë me muzikë merrem që e vogël, por hera ime e parë që kam dalë në skenë ka qenë para dy vitesh .
Kids of Kosova: Në festivalin Fëmijët e Gëzuar keni marrë çmimin e pare në kategorinë ‘Live’, e prisnit?
Vlera Kastrati: Në festivalin “Fëmijët e gëzuar” në Golden Stars në kategorinë “Live” kam marrë çmimin vendi i parë. Të them të drejtën kur isha në skenë duke kënduar pash se dhash emocion tek publiku dhe juria sepse ishin duartrokitjet aq të forta, por prap se prap isha shumë e lumtur.
Kids of Kosova: Na tregoni se në cilat festivale keni marrë pjesë?
Vlera Kastrati: Gjatë kohës së pandemisë kemi pas shumë festivale online ndërkombëtare në vend dhe jashtë vendit ku në 4 festivale kam marrë vendet e para dhe një Grand Prix, po ashtu në Francë më përzgjodhën si Ambasadore e Fëmijëve të Kosovës në Francë .
Kids of Kosova: Cili është mesazhi juaj për bashkëmoshatarët?
Vlera Kastrati: Mesazhi im për moshatarët e mi është të mësojmë sa më shumë dhe kanë një talent ta shprehin pa frikë, sepse ajo është një dhunti që Zoti ta ka falë .
I përshendes të gjithë ata qe më mbështesin kudo që të jem. Juve si media ju falënderoj për intervistën.
Video e dërguar nga Vlera duke kënduar enkas për Kids of Kosova:
(Kids of Kosova)
