Vjosa Hoti nga Krusha e Madhe e Rahovecit është specialistja më e re e Otorinolaringologjisë – Kirurge e Kokës dhe Qafës.
Njoftimin e ka dhënë ajo përmes një postimi në Facebook.
Postimi i saj:
Sot, në këtë kapitull të rëndësishëm të suksesit tim profesional, zemra ime është plot mirënjohje. Falënderimi im më i madh shkon për prindërit e mi – për sakrificat, përkrahjen e pakushtëzuar dhe besimin e palëkundur që më kanë dhënë në çdo hap. Pa ju, ky rrugëtim nuk do të kishte të njëjtin kuptim.
Një falënderim i veçantë për bashkëshortin tim, që ka qenë krahu im i djathtë në çdo sfidë, dhe për vajzën time të vogël, që është motivimi dhe drita ime më e madhe çdo ditë.
Falënderoj nga zemra edhe kolegët e mi, mentorët dhe secilin që ka kontribuar në ngritjen time profesionale – për udhëzimet, mbështetjen dhe besimin në mua.
Dr. Vjosa Hoti
Specialiste e Otorinolaringologji – Kirurge e Kokës dhe Qafës!
