Vjollca Gashi-Zejnullahu është zgjedhur edhe për një mandat drejtoreshë e shkollës “Skender Emërllahu” në Ramjan, shkruan AlbanianEducation.net.
Ajo në mesazhin e saj ka falënderuar Inspektoriatin e Arsimit (Gjilan), zyrtarët e DKA-së në Viti për vlerësim korrekt.
Njoftimi i shkollës:
Jam mirënjohëse që edhe për një mandat më është besuar udhëheqja e SH.F.M.U “Skender Emërllahu” në Ramjan.
Për këtë falenderoj të gjithë ata që kanë besuar,respektuar dhe vlerësuar punën dhe angazhimin tim për tetë vite ,si udhëheqëse e kësaj shkolle.Gjatë kësaj periudhe kemi bërë shumë punë dhe kemi pasur shumë suksese.
I falenderoj të gjithë ata që më kanë përkrahur në këtë rrugëtim,i cili nuk ka qenë i lehtë dhe kemi kaluar shumë sfida.
E falenderoj familjen time për mirëkutim që kanë ndaj punës sime,fëmijët e mi të cilëve shpesh ju ka munguar përkushtimi i duhur shkaku i angazhimeve të mia,bashkëshortin tim i cili më ka përkrahur vazhdimisht pa hezituar asnjëherë.
Falenderoj prindërit e shkollës që më ndihmuan e më përkrahën çdoherë,nxënësitë e shkollës që më bëjnë krenare për edukatë e kulturë,mësim e përkushtim.
Për vlerësim korrekt, falenderoj Inspektoriatin e Arsimit (Gjilan),zyrtarët e DKA-së në Viti, drejtoreshen e ish drejtorat e Drejtorisë së Arsimit me të cilët kemi punuar me përkushtim dhe të gjithë bashkëpunëtorët tjerë që më ndihmuan e këshilluan për një sukses dhe përformancë të shkëlqyeshme.
Për fund kam lënë kolektivin e shkollës jo për nga rëndësia ,por nga vlera dhe modestia që kanë sepse me këtë kolektiv kemi kaluar sfida e kemi arritur suksese.
Faleminderit të gjithë atyre që kanë shpirtin e bardhë dhe mendojnë vetëm pozitivitet sepse kjo i duhet vendit dhe ardhmërisë sonë.
Puna jonë vazhdon,sukseset nuk ndalen dhe ecim përpara drejt synimeve tona !
Me respekt,
Vjollca Gashi Zejnullahu
