Qeveria ende nuk ka treguar se sa do të jetë vlera e koeficientëve të pagave.
Kjo ka bërë që shefi i Grupit Parlamentar të AAK-së, Besnik Tahiri i ka bërë thirrje Qeverisë të jetë të paktën 129 euro.
“Kaloi edhe një javë edhe një mbledhje e Qeverisë, pasi Ligji i Pagave është nënshkruar nga Presidentja e vendit dhe ende vazhdon të trajtohet në mënyrë më të fshehtë, sekrete vlera e koeficientit.Është e papranueshme që 80 mijë sherbyes të këtij vendi janë në ethe dhe të mos e dinë pagën e tyre, duke e ditë se ekziston një ligj”, deklaroi sot Tahiri në një konferencë për media.
Ai tha se nëse vlera e koeficientit nuk është 129 euro, do të ketë rënie drastike të pagave.
“AAK-ja e ka një porosi për kryeministrin dhe Qeverinë. Në mënyrë që ky ligj të shpëtohet, atëherë vlera e koeficientit duhet të jetë 129 euro. Kjo në mënyrë që mos të ketë rënie drastike të pagave”, tha Tahiri.
