Ragmi Mustafi nga Bujanoci ka hedhura akuza se në këtë komunë është politizuar sistemi arsimor.
Ai përmes një postimi në Facebook ka shkruar se ndërrimi i drejtorëve të shkollave po bëhet sipas interesave politike, shkruan AlbanianEducation.net.
Postimi i tij:
Në Bujanoc, arsimi po përballet me sfida të shumta që lidhen me ndërhyrjet politike, ndryshimet e drejtorëve të shkollave dhe mungesën e investimeve të qëndrueshme në infrastrukturë dhe cilësi të arsimit.
Ndër faktorët kryesorë që kontribuojnë në shkatërrimin e arsimit është politizimi i skajshëm i sistemit arsimor.
Për shembull, ndërrimi i drejtorëve të shkollave fillore dhe të mesme sipas interesave politike, të Arbër Pajazitit, për shfrytëzim elektoral dhe kushtëzimi i mësimdhënësit përshkak të politikave të centralizuara, ka krijuar një ambient jo stabil dhe të paqëndrueshëm për mësimdhënien dhe nxënësit.
Këto faktorë kanë bërë që arsimi në Bujanoc të përballet me probleme serioze.
