Nxënësit e klasave XI/1 dhe XI/2, profili Kontabilitet, Banka dhe Sigurime në IAAP “Abdyl Ramaj” në Suharekë, së bashku me profesoreshat Artane Berisha dhe Hyrije Sejdiu-Cikaqi, kanë marrë pjesë në një ligjëratë informuese mbi punën praktike në institucionet financiare, shkruan AlbanianEducation.net.
Në kuadër të këtij aktiviteti, nxënësit kanë vizituar Drejtorinë e Financave, NLB Bankën dhe institucionin mikrofinanciar KosInvest, ku janë pritur nga përfaqësuesit e këtyre institucioneve.
Gjatë vizitave, ata janë informuar mbi funksionimin e punës praktike, të hyrat dhe daljet ditore, si dhe sfidat me të cilat përballet sektori financiar.
Njoftimi i plotë:
“Teoria të tregon rrugën, por praktika të mëson si të ecësh në të.”
Nxënësit e klasave XI/1 dhe XI/2, profili Kontabilitet, Banka dhe Sigurime, së bashku me profesoreshat Artane Berisha dhe Hyrije Sejdiu-Cikaqi, morën pjesë në një ligjëratë informuese mbi punën praktike në institucionet financiare.
Ata vizituan Drejtorinë e Financave, NLB Bankën dhe institucionin mikrofinanciar Kos Invest, ku u pritën nga përfaqësuesit përkatës. Gjatë aktivitetit, nxënësit mësuan për punën praktike, të hyrat dhe daljet ditore, si dhe sfidat e sektorit financiar.
Ky aktivitet ishte një përvojë e vlefshme që lidhi teorinë me praktikën. Shkolla shpreh mirënjohje për mikpritjen dhe bashkëpunimin e këtyre institucioneve.
