Vitamina kundër virozave: Mjekët i këshillojnë për fëmijët që nuk konsumojnë fruta

Luhatja e temperaturave ka shtuar numrin e fëmijëve me viroza.

Për shkak të pandemisë së Covid-19 tanimë është rritur dhe kujdesi, pasi një temperaturë mbi 37 nuk pranohet as në shkollë, apo kopsht e çerdhe.

Por me shtimin e virozave dhe që fëmijët të mos mungojnë në shkollë dilema e prindërve është nëse duhet t’i japin vitamina shtesë suplemente. Mjekët pediatër këshillojnë sa më shumë fruta dhe perime, por fëmijët nuk i konsumojnë rregullisht, ndaj këshillojnë suplemente me vitamina.

Pandemia dhe virozat bashkë kërkojnë vëmendjen e prindërve për të shtuar kujdesin ndaj fëmijëve.