Shkolla “Hamit Sejdiu” në Kërpimeh të Podujevës ka vazhduar me prezantimin e mësimdhënësve.
Së fundmi ka prezantuar arsimtarin e gjuhës angleze, Visar Duli, i cili ka nisur punën në arsim në vitin 2000, shkruan AlbanianEducation.net.
Postimi i shkollës:
Mësimdhënia jo vetëm profesion!
Ju prezantojmë me arsimtarin e anglishtes Visar Duli!
U lind në fshatin Pakashticë e poshtme. Shkollën fillore e kreu në Kërpimeh, ndërsa të mesmen në Podujevë!
Diplomoi në Fakultetin Filologjik, drejtimi Gjuhë dhe letërsi angleze.
Punën në arsim e filloi në tetor të vitit 2000 në shkollën tonë, ku edhe punon aktualisht. P
ërveç punës si arsimtar, është përgjegjës i shkollës në paralelen e ndarë në Pakashticë, si dhe tashmë dy vite ushtron edhe detyrën e koordinatorit të cilësisë.
Gjithashtu, përveç punës edukativo-arsimore, është organizator dhe pjesëmarrës i shumë aktiviteteve të lira, së bashku me nxënësit tanë!
