Në shkollën fillore të mesme të ulët “Azem Bejta” në Grabanicë të Komunës të Klinës, u zhvillua një aktivitet i gëzueshëm që solli shumë emocione pozitive teka nxënësit.
Kompania VIPA Chips dhuroi pako me produkte për 102 nxënës, nga parafillorja deri në klasën e pestë, duke u krijuar atyre një ditë të veçantë dhe plot buzëqeshje.
Në emër të shkollës, psikologia Blerta Delija falënderoi kompaninë Pestova për dhuratat që ju ka sjellë nxënësve.
“Në emër të SHFMU ‘Azem Bejta’ – Grabanicë dhe në emrin tim personal, falënderojmë kompaninë VIPA Chips për surprizën e këndshme që solli gëzim në fytyrat e 102 nxënësve tanë. Këto momente kanë shumë rëndësi për fëmijët dhe për ne si staf arsimor,” – u shpreh psikologia e shkollës.
VIPA Chips edhe këtë herë tregoi përkushtimin e saj për të mbështetur komunitetin lokal dhe për të sjellë gëzim tek më të vegjlit.
*Fotografimi dhe incizimi i videove të nxënësve është lejuar nga Drejtoria e shkollës, në pajtim me marrëveshjen e arritur me prindërit.
© AlbanianEducation.net – Të gjitha të drejtat e rezervuara
