Sasha Obama ka dalur për herë të parë në TikTok.
Sasha është shndërruar në një adoleshente shumë të këndshme me vallëzime në TikTok dhe thonjtë e gjatë. Vajza e vogël e ish-presidentit amerikan Barack Obama, ishte vetëm shtatë vjeç kur familja e saj u zhvendos në Shtëpinë e Bardhë më 2009.
Duke u rritur në shtëpinë më të famshme të Amerikës, Sasha Obama gjithmonë përpiqej të kishte një fëmijëri normale dhe qëndrim të pjekur, transmeton Lajmi.net. Sasha, siç e përshkruan motra me e madhe Malia, “është plotësisht e sigurt në lidhje me mendimin e saj mbi botën, nuk frikësohet dhe kurrë nuk ka qenë”. Gjithashtu Barak Obama thotë se Sasha ka një vetëpërmbajtje që ka rrezatuar që nga fëmijëria.
Së fundi u shfaq duke kërcyer me një grup miqësh në TikTok duke shkëlqyer me bukurinë e saj. Tani, në moshën 19 vjeç, Sasha po jeton jetën e saj larg kufizimeve presidenciale. Videoja e saj në TikTok u bë virale, por u fshi më pas.
