Të mërkurën do të mbahet takimi i Këshillit të Prindërve, ku do të bisedohet për vendimin e MASHTI-t për blerjen e teksteve shkollore nga prindërit.
Besnik Dragusha, nga Këshilli i Prindërve ka bërë të ditur se do të mbahet këtë të mërkurë mbledhja e Këshillit të Prindërve, pasi Ministria e Arsimit, Shkencës, Tekonologjisë dhe Inovacionit (MASHTI), ka marrë vendim që tekstet shkollore t’i blejnë vetë prindërit nga librarit, pastaj t’i rimbursojë Ministria nga ana ekonomike përmes bankës.
“Këtë të mërkurë do të kemi një takim me Këshillin e Prindërve, ku do të bisedohet për vendimin e MASHTI-t për blerjen e teksteve shkollore në libraria nga prindërit. Në mbledhje do të marrinë pjesë pjesëtarët e këtij këshilli”, deklaroi Dragusha për Gazeta Blic.
Ai është pyetur rreth këtij vendimi por që nuk ka pranuar të flasë, pasiqë sipas tij është temë e ndjeshme për prindërit dhe fëmijët.
“Është temë e ndjeshme për prindërit dhe fëmijët dhe nuk dëshirojmë që Këshilli i Prindërve të bëhet pjesë mediatike“, tha ai.
