Ka vdekur veterani i arsimit dhe ish pjesëtari i Ushtrisë Çlirimtare të Kosovës, Sadik Zogaj nga Komorani.
Lajmin e kanë dhënë familjarët dhe miqtë e Zogajt në rrjetet sociale.
Njoftimi i nipit të tij:
Më 30 tetor 2022 përfundoi jeta fizike e idhullit tim, Mixhës. Profesor Sadik Selim Zogaj, baba i gjashtë fëmijëve, vëlla i tre vëllezërve dhe dy motrave, i dashur nga të gjithë të afërmit, i dashur dhe i respektuar nga të gjithë shqiptarët. Mixha, një shqiptar i vërtetë. Shkrimtari ynë.
Ka lindur më 02.07.1954, në fshatin Divjakë. Shkollën fillore katërvjeçare e kreu në fshat, tetëvjeçaren në Shalë, gjimnazin në Lipjan dhe fakultetin filozofik në Prishtinë.
Kthehet në fshat si mësues, pastaj në arsimin e mesëm në Komoran dhe Drenas ishte profesor.
Gjatë luftës ai vazhdoi kontributin e tij për Kosovën në Brigadën 121.
Varrimi bëhet sot me 31 tetor në varrezat e fshatit Divjakë.
Daja Dikë siq e thirrnim ne ishte një Babë i mirë, ishte një Nip i mirë, ishte një Dajë i mirë, ishte një Profesor dhe Zyrtarë i mirë, ishte Piktor dhe Shkrimtarë i mirë, e mbi të gjithat ishte Burrë dhe Patriot i mirë.
Varrimi i të ndjerit bëhet sot në ora 14:00 në Divjakë
Zotit të mëshiroftë daja Dikë.
