Ka vdekur Ilir Begolli, profesor shumë vjeçar i Mjekësisë sociale në Fakultetin e Mjekësisë të Universitetit të Prishtinës.
Njoftimi i ministres Nagavci:
Telegram ngushëllimi
E nderuara familje Begolli,
Me dhimbje të thellë morëm lajmin për ndarjen nga jeta të Prof. Dr. Ilir Begolli, profesor shumë vjeçar i Mjekësisë sociale në Fakultetin e Mjekësisë të Universitetit të Prishtinës si dhe specialist i shëndetësisë publike në Institutin Kombëtar të Shëndetësisë Publike të Kosovës.
Profesor Begolli do të mbahet mend si një intelektual i përkushtuar i cili ka dhënë kontribut të çmuar në Fakultetin e Mjekësisë.
Përveç tjerash, ishte hartues dhe pjesëmarrës në krijimin e dokumenteve dhe strategjive zhvillimore të sistemit shëndetësor në Kosovë. Njëkohësisht, ka dhënë kontribut të jashtëzakonshëm edhe përmes angazhmit profesional si mësimëdhënës dhe ekspert në lëminë e shëndetësisë publike.
Ngushëllime familjes Begolli, studentëve, kolegëve dhe miqve të tij!
U prehtë në paqe profesor Begolli!
