Vdes Mihane Mehmeti-Duraku, mësuesja e parë e diplomuar në Podujevë

Ka vdekur Mihane Mehmeti-Duraku, mësuesja e parë e diplomuar në Podujevë.

Lajmin e ka dhënë kryetari i kësaj komune, Shpejtim Bulliqi, i cili ka thënë se mësuesja e ndjerë gjatë jetës së saj përcolli shumë gjenerata të nxënësve, që i edukoi për mrekulli.

“Ishte gjithashtu anëtare e SHKA “Josip Rela” si një këngëtare me zë të ëmbël e karakteristik. Ngushëllime të sinqerta familjeve, Mehmeti dhe Duraku!
Ngushëllime të gjithë kolegëve, nxënësve dhe atyre që e njohën të ndjerën!”, ka shkruar ai.