Ka vdekur mësuesja, Remzije Mustafa-Nimani nga Mitrovica, aktiviste e palodhshme dhe ish-deputete e Parlamentit të Kosovës, shkruan AlbanianEducation.net.
Njoftimin e ka dhënë drejtoresha e Arsimit në Prishtinë, Jehona Lushaku-Sadriu.
Njoftimi nga drejtoresha e Arsimit në Prishtinë, Jehona Lushaku- Sadriu:
Me pikëllim të thellë morëm lajmin për ndarjen nga jeta të mësueses, Remzije Mustafa-Nimanit nga Mitrovica, aktiviste e palodhshme dhe ish-deputete e Parlamentit të Kosovës. Angazhimi i saj si kryetare e Forumit të Gruas të LDK-së në Mitrovicë për dy mandate la gjurmë të pashlyeshme në fuqizimin e grave dhe avancimin e demokracisë në vendin tonë.
Zonja Remzije frymëzoi breza të tërë me punën e saj të jashtëzakonshme në arsim dhe angazhim politik. E qetë dhe fisnike, ajo ishte shembull i përkushtimit ndaj Kosovës, të cilës i shërbeu me nder dhe dinjitet.
Në emër të Forumit të Gruas së LDK-së u shpreh ngushëllimet më të sinqerta familjes, miqve dhe të gjithë atyre që patën fatin ta njohin.
Kujtimi i saj do të mbetet i përjetshëm!
