Ka vdekur në Gjilan arsimtari Faredin Murtezi. Ai pati një sulm kardiak, të cilin nuk arriti ta përballojë.
Njoftimin e ka dhënë kolegu i tij, Nehat M. Ramadani.
Të dashur, nxënës, kolegë e miq, po e ndajë me ju lajmin e hidhur, se pas një sulmi kardiak qenka ndarë nga jeta arsimtari-kolegu ynë Faredin Murtezi.
Faredini ishte njeri i urtë, i qetë, profesionist, bujar, fjalëpak e i matur.
Rridhte nga një familje seferase, që ishte shpërngulur prej kohësh në Gjilan.
I ndjeri gjithë jetën ia kushtoi arsimit dhe ngritjes së çështjes kombëtare për çfarë edhe u pesekutua nga UDB-ja, por pa rrahur gjoks asnjëherë për punën dhe veprimtarinë që kryente.
Lajmi për ndarjen nga jeta të kolegut Faredin Murtezi na goditi rëndë, sepse iku në kohën kur akoma kishte çfarë të jepte e ofronte për ne dhe gjeneratat e ardhshme.
Por, ja që caktimit të Zotit nuk mund t’i shmangemi, andaj duhet të pajtohemi edhe me këtë pjesë të hidhur të jetës, shkaktar i së cilës është lindja.
Krenarë me jetën dhe veprat e Tij, por me zemra të thyera, mbase me shpresë se do të takohemi n’xhinnet insha’Allah!
Koha e varrimit nuk është caktuar akoma!
