Krenari kombëtare në Zvicër
Aktivitetet e shkollave shqipe janë shembull i gjallë i dashurisë së pashuar për atdheun dhe i forcës së diasporës sonë.
Përkushtimi i mësuesve, nxënësve dhe prindërve shqiptarë në Zvicër është një histori e bukur që shkruhet çdo ditë. Çdo aktivitet i shkollave shqipe dëshmon se dashuria për atdheun nuk njeh largësi.
Salla e zbukuruar kuqezi, plot emocion e festë, u kthye në skenën ku nxënësit – nga klasa e parë deri tek ata më të rritur – dolën e u paraqitën me krenari për Ditën e Flamurit. Këngët, recitimet së bashku me jehonën, kushtuar heronjve tanë, ndezën zemrat e të gjithëve dhe sollën frymë të pastër atdhetarie.
Nuk ka emocion më të madh sesa të dëgjosh fëmijët tanë teksa i japin festës shpirt e dritë, falë përkushtimit të mësuesve dhe mbështetjes së prindërve që ruajnë gjuhën, traditën dhe identitetin tonë.
Rrallë ndodh në botë si në Zvicër: komuniteti shqiptar bashkon breza të tërë për të festuar e nderuar kombin. Aktivitetet e shkollave shqipe janë shembull i gjallë i dashurisë së pashuar për atdheun dhe i forcës së diasporës sonë.
❤️ Krenarë që jemi bashkë, krenarë që jemi shqiptarë!
Marrë nga Shkollashqipe.ch
