Në një ceremoni zyrtare të nënshkrimit, të dy institucionet nënshkruan një marrëveshje bashkëpunimi për arsimimin dhe trajnimin e mësimdhënësve të gjuhës gjermane dhe për promovimin e gjuhës gjermane në Kosovë.
Ky bashkëpunim përfshin disa fusha kryesore që do t’u mundësojë të bashkëpunojnë në fushat e përmisimit të aftësive të gjuhës gjermane të studentëve të gjuhës gjermane, aktivizimit të lëndës gjermane si gjuhë e huaj në Kosovë, arsimimit dhe trajnimit të mësimëdhënësve dhe zhvillimit të programeve për trajnimin e multiplikatorëve.
Rektori Qerim Qerimi nënvizoi departamentin e Gjuhës Gjermane në Fakultetin Filologjik (UP), i cili tani qëndron si departamenti i dytë më i madh brenda fakultetit. Rektori shprehu mirënjohjen për mbështetjen e marrë dhe zhvillimin e mëtejshëm të saj në bashkëpunim me Institutin Goethe. Rektori përshëndeti edhe shkollën verore “DAAD” të mbajtur në Fakultetin Filologjik, ku u bashkuan studentë nga Gjermania dhe Kosova.
Fjalë përshëndetëse me nënshkrimin e marrëveshjes mbajtën dhe ambasadori i Gjermanisë në Kosovë, z. Jorn Rohde, udhëheqësja e Institutit Goethe, znj. Katrin Oswald-Richter, prorektorja Basha-Jakapi, prodekanja Milote Sadiku dhe shefja e departamentit të gjuhës gjermane (UP), prof. Teuta Abrashi.
Ky partneritet me Institutin Goethe premton bashkëpunime për arsimimin në gjuhën gjermane dhe shkëmbimin kulturor. 🙌
