Universiteti i Prishtinës e ka përfunduar procesin e zgjedhjes së dekanëve të rinj në 14 njësi akademike.
Sipas njoftimit të UP-së në Facebook, të martën (sot) në Universitetin e Prishtinës, është zhvilluar procesi i zgjedhjes së dekanëve të rinj në katërmbëdhjetë fakultetet e ndryshme të universitetit.
“Procesi është zhvilluar në mënyrë të rregullt, të qetë dhe ka rezultuar në zgjedhjen e suksesshme të dekanëve”, thuhet në njoftimin e UP-së në Facebook.
Dekanët e zgjedhur apo rizgjedhur në njësitë përkatëse akademike janë:
1. Fakulteti i Arkitekturës: Prof. Violeta Nushi
2. Fakulteti i Arteve: Prof. Hazir Haziri
3. Fakulteti i Bujqësisë dhe Veterinarisë: Prof. Arben Musliu
4. Fakulteti i Edukimit: Prof. Blerim Saqipi
5. Fakulteti i Edukimit Fizik dhe Sportit: Prof. Florian Miftari
6. Fakulteti Ekonomik: Prof. Driton Balaj
7. Fakulteti i Filologjisë: Prof. Abdulla Rexhepi
8. Fakulteti Filozofik: Prof. Bekim Baliqi
9. Fakulteti i Inxhinierisë Elektrike dhe Kompjuterike: Prof. Isak Shabani
10. Fakulteti i Inxhinierisë Mekanike: Prof. Mirlind Bruçi
11. Fakulteti i Inxhinierisë së Ndërtimit: Prof. Florim Grajçevci
12. Fakulteti Juridik: Prof. Avni Puka
13. Fakulteti i Mjekësisë: Prof. Sefedin Muçaj
14. Fakulteti i Shkencave Matematike-Natyrore: Prof. Kajtaz Bllaca
Mandati i dekanëve të rinj fillon me 1 tetor 2024, me fillim të vitit të ri akademik.
Universiteti uron dekanët e rinj për zgjedhjen dhe ju dëshiron sukses në përmbushjen e mandateve të tyre dhe në realizimin e misionit dhe objektivave të tij si një institucion lider në arsimin e lartë.
