Koronavirusi ka rritur problemet e shëndetit mendor të fëmijëve dhe adoleshentëve në mbarë botën, sipas një raporti të UNICEF.
“Efektet e pandemisë janë të rëndësishme, por kjo është vetëm maja e ajsbergut. “Para se të shpërthente Covid-19 shumë fëmijë vuanin nga probleme të shëndetit mendor dhe nuk po merrnin trajtimin e duhur,” tha Drejtoresha e Përgjithshme e UNICEF, Enrietta Fior në një deklaratë.
Zyra e Kombeve të Bashkuara për Koordinimin e Çështjeve Humanitare ( OCHA) ka lëshuar një raport mbi shëndetin mendor të fëmijëve në mbarë botën me rastin e Konferencës Ndërkombëtare të Shëndetit Mendor në Paris.
Globalisht, “më shumë se një në shtatë adoleshentë midis moshës 10 dhe 19 vjeç janë diagnostikuar me probleme të shëndetit mendor” dhe “gati 46,000 adoleshentë kryejnë vetëvrasje çdo vit, duke e bërë vetëvrasjen një nga pesë shkaqet kryesore të vdekjeve për këtë grupmoshë.” , sipas UNICEF.
Sipas UNICEF, situata u përkeqësua më tepër nga pandemia dhe kufizimet e saj. “Të paktën një në shtatë fëmijë në mbarë botën janë prekur nga masat kufizuese,” tha UNICEF.
Në fakt, UNICEF bën thirrje të merren masa të menjëhershme për shëndetin mendor të fëmijëve dhe adoleshentëve”.
