Përdorimi i celularëve nga nxënësit e arsimit parauniversitar, vijon të jetë një sfidë e madhe jo vetëm për trupat pedagogjike, por edhe për vetë institucionet arsimore vendore.
Pavarësisht masave të marra në nivel shkollash, drejtorishë arsimore, urdhërash dhe udhëzimesh nga ministria e Arsimit, fenomeni vijon të përhapet me shpejtësi, duke sjellë jo pak anomali përgjatë procesit mësimor.
Për të frenuar këtë femomen ministria e Arsimit dhe ajo e Financave në Shqipëri kanë firmosur një udhëzim të përbashkët, i cili synon që nxënësit e arsimit parauniversitar, si dhe mësuesit, ta kenë gjithnjë e më të vështirë përdorimin e celularëve gjatë orëve të mësimit.
Udhëzimi këtë radhë nuk ka si objekt vetëm nxënësit e sistemit parauniversitar, por edhe vetë mësuesit, që do të jenë duke punuar brenda shkollës.
Udhëzimi që mban firmën e ministreve Kushi dhe Ibrahimaj, kërkon qartazi ndalimin e përdorimit të telefonit cellular, si nga nëxnësit ashtu edhe nga trupa pedagogjike.
AlbanianEducation.net ka realizuar një anketë me lexuesit e saj të cilët i ka pyetur: a duhet të ndalohet me ligj bartja e telefonit në klasë nga nxënësit dhe mësimdhënësit.
88% e lexuesve janë përgjigjur PO nuk duhet t’iu lejohet telefoni në klasëas nxënësve as mësimdhënësve.
12% janë përgjigjur JO nuk duhet ndaluar bartja e telefonit në klasë.
/AlbanianEducation.net/.
