Tetovë: Libra shkollorë të grisur e të shkatërruar

Sikurse në Kosovë edhe në qytetin e Tetovës po ka telashe sa i përket çështjes së librave dhe materialeve tjera shkollore.

Librat e shkatërruar po shkaktojnë telashe jo vetëm për nxënësit por dhe për mësimdhënësit, të cilët janë të detyruar t’i fotokopjojnë tekstet me qëllim të zhvillimit të procesit mësimor.

Nga Sektori i Arsimit në Komunën e Tetovës thonë se në gjendje të këtillë janë mbi 60 për qind e librave në gjitha shkollat, raporton Alasat M.

Edhe pse nevoja në shkollat fillore dhe të mesme është për mbi 20.000 libra, Ministria e Arsimit dhe Shkencës nuk ka plotësuar as në masën 30 për qind kërkesën e Sektorit të Arsimit.