Muaji i sensibilizimit të Luftës Kundër Kancerit të Gjirit u shënua me aktivitetin e organizuar nga arsimtaret: Anduena Ademi Jusufi, Arbenita Pestova Vërbiqi, Ajshe Beshiri si dhe me nxënësit e shkollës, të cilët ishin shumë kurioz të njiheshin me të papriturat që sjellë kjo sëmundje.
Ligjëratat e Hava Kosumi, profesioniste shëndetësore, që prekën aspektin preventiv dhe shërues si dhe të psikologes Albulena Kurti, e cila preku aspektin psikologjik dhe emocional të personave të prekur nga kanceri i gjirit ishin përmbajtësore dhe shumë profesionale.
Kuptim dhe jetë këtij organizimi i dha Valbone Sadiku, aktiviste, grua dhe nënë e fortë, që e fitoi betejën dhe vazhdon jetën plot elan dhe vendosmëri duke realizuar projekte të ndryshme në të mirë të shoqërisë dhe shtetit. Ajo është një shembull dhe inspirim që frymëzon gjenerata dhe që me fjalët e saj motivoi nxënësit tanë, se si duhet te ballafaqohen me sfidat, që duken të papritura e të patejkalueshme, por kur njeriu mbledh forcë dhe ka vullnet, i tejkalon ato.
Bukurinë këtij organizimi ia shtuan nxënëset e shkollës, të cilat me diskutimet dhe fjalët e tyre treguan një intelegjencë dhe dije të jashtëzakonshme.
