Viti i ri shkollor do të fillojë më 27 shtator, ditën e hënë.
Kjo u vendos pas diskutimeve që patën Ministria e Shëndetësisë dhe Ministria e Arsimit duke u këshilluar edhe me Institutin Kombëtar të Shëndetësisë Publike.
E për të filluar procesi mësimor, shkollat e kryeqytetit janë të gatshme nga ana teknike.
Testimi i nxënësve, mësimdhënëse e punëtorëve teknik do të bëhet nga ekipet mobile nëpër shkolla.
“Po, ne kemi kontakte vazhdimisht me IKSHPK edhe janë duke bërë përditë teste rëndomë në shkolla të ndryshme të Prishtinës. Po testimi i tyre zakonisht ka mu ba në shkolla, ekipa vjen në shkollë si në vitin e kaluar, ekipet e Institutit Kombëtar të Shëndetësisë Publike vijnë në shkolla me i testu si nxënësit ashtu edhe mësimdhënësit”, tha Shala për Front Online.
Sipas të dhënave të Agjencisë së Statistikave, Kosova ka mbi 300,000 mijë nxënës që vijojnë shkollimin fillor dhe atë të mesëm.
Mësimi do të fillojë të hënën në të gjitha shkollat, ku brenda klasës është paraparë që të jenë të pranishëm deri në 20 nxënës, ndërsa pjesa tjetër mësimin e zhvillojnë online.
