Qendra për Edukim dhe Përparim të shtunën në ora 11:00 bën paraqitjen e parë publike të Fjalorit të madh drejtshkrimor të gjuhës shqipe në formë digjitale në Universitetin “Ukshin Hoti”, në amfiteatrin e Fakultetit Ekonomik, në Prizren, shkruan Albanian Education.
Të pranishëm në këtë paraqitje publike do të jenë edhe anëtarët e Këshillit Kombëtar Shkencor për gjuhën shqipe nga Kosova, Shqipëria dhe Maqedonia e Veriut.
Njoftimi i plotë nga Qendra për Edukim dhe Përparim:
FTESË PËR PJESËMARRJE
Ju ftojmë të merrni pjesë në paraqitjen e parë publike të Fjalorit të madh drejtshkrimor të gjuhës shqipe në formë digjitale më 10 qershor, 2023 (e shtunë), ora 11.00, në Universitetin “Ukshin Hoti”, në amfiteatrin e Fakultetit Ekonomik, në Prizren.
Qendra për Edukim dhe Përparim, në bashkëpunim me Ministrinë e Arsimit, Shkencës dhe Teknologjisë të Republikës së Kosovës ka hartuar Fjalorin e madh të gjuhës shqipe me 300.000 faqe A4.
Për herë të parë gjatë tërë historisë është pasqyruar sasia më e madhe e fjalëve të gjuhës shqipe, mbi 100.000 sosh, me të gjitha format e tyre gramatikore, si dhe informacione të tjera për çdo fjalë. Me një fjalës të përzgjedhur me kujdes, me mbi 8.000.000 forma fjalësh, tashmë të digjitalizuara në mënyrë të përsosur dhe lehtësisht të qasshme për çdo shqiptar përmes internetit.
Të pranishëm në këtë paraqitje publike do të jenë edhe anëtarët e Këshillit Kombëtar Shkencor për gjuhën shqipe:
Shqipëri: Prof. dr. Emil Lafe, Prof. dr. Enver Hysa, Prof. asoc. Adelina Çerpja, Prof. asoc. Anila Çepani.
Maqedoni e Veriut: Prof. dr. Mustafa Ibrahimi, Prof. dr. Asllan Hamiti, Prof. dr. Ismet Osmani.
Kosovë: Prof. dr. Hysen Matoshi, Prof. dr. Bahri Koskoviku.
Nikoqir, Universiteti i Prizrenit: Rektori z. Mentor Alishani, dekani i Fakultetit Filologjik z. Xhafer Beqiraj, profesor z. Shkëlqim Millaku.
Janë të ftuara të gjitha mediat që ta përcjellin këtë paraqitje.
Jeni të mirëseardhur!
Lulëzim Shishani, drejtor
Qendra për Edukim dhe Përparim
+383 44 197 474
