Egzon Gashi, themelues i organizatës arsimore “Teach For Kosova”, thotë se vlerësimi i performancës së mësimdhënësve nuk mjafton të bëhet një herë në vit, por sipas tij, kjo duhet të bëhet pesë herë në vit, varësisht nga nevojat.
Sipas themeluesit të “Teach For Kosova”, është shqetësuese mënyra apo ndikimi politik në përzgjedhjen e drejtorëve të shkollave.
Gashi ka deklaruar për Dukagjinin se kjo është një nga të metat e arsimit në Kosovë.
Sipas tij, drejtorët nuk duhet të jenë politikë, sepse pastaj “aty mund të hyjnë edhe interesa të tjera në arsim”.
Gashi ka theksuar nevojën e shtimit të llogaridhënies dhe përgjegjësisë së drejtorëve të shkollave, në këtë mënyrë sipas tij edhe vlerësimi i performancës për mësimdhënësit do të jetë më cilësor.
Ai ka thënë se në 10 vitet e fundit janë vlerësuar vetëm 700 mësimdhënës.
