Rritja e fëmijëve nuk është një detyrë e lehtë. Prindërimi vjen me shumë sfida. Të gjithë prindërit duan që fëmijët e tyre të rriten për të qenë njerëz të sjellshëm dhe frymëzues. Sidoqoftë, të jesh prind kërkon gjithashtu besim dhe respekt dhe kjo nuk mund të mësohet nga librat.
Prindërit janë mësuesit e parë të fëmijëve të tyre. Mënyra se si ndërveproni me fëmijët ndikon tek ata gjatë gjithë jetës. Nëse dëshironi që fëmija juaj të edukohet mirë , ju duhet të investoni shumë nga koha juaj te ata.
Më poshtë ju listojmë tetë fraza që duhet t’i thoni fëmijëve tuaj çdo ditë:
1– Është në rregull, thjeshtë provoje përsëri . Kur e thoni këtë frazë, ju u mësoni fëmijëve tuaj se nuk duhet të frikësohen nga gabimet.
2- Unë të dua. Asnjëherë kjo frazë nuk është e tepërt. Thojini sa më shumë herë gjatë ditës fjalët magjike të dua.
3- Më ka marrë malli për ty . Kjo e bën fëmijën tuaj të kuptojë që kur nuk mund të shihni njëri-tjetrin, ju mendoni për të gjatë gjithë kohës.
4- Unë jam e lumtur që të kam ty. Kur e thoni, fëmija juaj beson se ai është personi më i veçantë për ju.
5- Unë besoj në ty dhe e di që mund ta bësh atë. Nëse fëmija juaj duhet të merret me disa sfida, kjo e bën atë të ndjehet më i sigurt duke ditur që prindërit e tij i besojnë.
6- Je i veçantë për mua. Kjo frazë tregon se ju e vlerësoni fëmijën tuaj më shumë se çdo gjë tjetër.
7- Jam krenar për ty. Kur e thoni, fëmija juaj bëhet më i sigurt në vetvete.
8- Faleminderit. Kjo jo vetëm që e mëson fëmijën tuaj se si të jetë i sjellshëm, por gjithashtu tregon se ju e vlerësoni për atë që bën.
