Sukses ndërkombëtar për Lis Istogun, kualifikohet për garën finale në Berlin

Nxënësi Lis Istogu nga fshati Polluzhë i Drenasit, i cili vijon mësimet në shkollën “Shaban Polluzha” në Komunën e Drenasit, ka arritur një sukses të jashtëzakonshëm në arenën ndërkombëtare të shkencës, duke fituar Medaljen e Argjendtë në garën prestigjioze Einstein Olympiad – Shkencë 2026, shkruan AlbanianEducation.net.

Falë këtij rezultati të shkëlqyer, Lisi është kualifikuar për Finalen Ndërkombëtare të Olimpiadës, e cila do të mbahet në Berlin të Gjermanisë nga 26 deri më 30 tetor 2026.

Ai do të përfaqësojë Kosovën së bashku me nxënësit më të dalluar nga vende të ndryshme të botës, duke dëshmuar potencialin dhe talentin e të rinjve kosovarë në fushën e shkencës.