E mërkurë, 22 Maj, 2024

Studimi i ri për fëmijët: Si dhe sa (keq) po ndikon pandemia

- Advertisement1-

Një studim i ri për fëmijët synon të japë një vështrim të përgjithshëm mbi shëndetin mendor të fëmijëve gjatë pandemisë.


Studimi është kryer në Gjermani dhe shifrat sigurisht që ndryshojnë nga njëri rajon në tjetrin, megjithatë kurrsesi nuk mund të anashkalohet për sa kohë mund të shërbejë për të kuptuar problematikat e fëmijëve në këtë situatë.

- Advertisement -

Studimi nga Qendra Mjekësore Universitare Hamburg-Eppendorf (via Associated Press) sugjeron që stresi dhe privimet e pandemisë së koronavirusit po dëmtojnë shëndetin e tyre mendor, veçanërisht për fëmijët që jetojnë në familje jo të privilegjuara.

Fëmijët dhe adoleshentët nga familje më të varfra dhe ata me rrënjë migruese preken në mënyrë disproporcionale, sipas studimit.

“Fëmijët që jetonin në kushte të mira para pendemisë dhe ndihen të strehuar dhe rehat brenda familjeve të tyre do ta kalojnë këtë pandemi. Megjithatë, ne kemi nevojë për koncepte më të mira për të mbështetur dhe forcuar veçanërisht shëndetin mendor dhe emocional të fëmijëve nga familjet në rrezik,” tha Ulrike Ravens-Sieberer, udhëheqësja e studimit dhe drejtoreshë e Klinikës Psikiatrike të Fëmijëve në spitalin universitar.

- Advertisement -

Veçanërisht gjatë bllokimeve “shkollat duhet të mbajnë kontakte të rregullta me nxënësit dhe të shprehin vlerësim dhe vëmendje,” tha Ravens-Sieberer. “Përndryshe ekziston rreziku që fëmijët nga familjet në rrezik të humbin motivimin dhe durimin për të studiuar.”

Studiuesit morën në pyetje më shumë se 1,000 fëmijë mes moshës 7 dhe 17 vjeç dhe më shumë se 1,500 prindër në internet nga mesi i dhjetorit deri në mes të janarit. Në përgjithësi, katër në pesë fëmijë raportuan se ndiheshin të ngarkuar nga pandemia. Ata thanë se në familjet e tyre ka zënka dhe diskutohet më shumë, ata kanë më shumë probleme në shkollë dhe marrëdhëniet me miqtë po përkeqësohen.

“Prindërit duket se janë përshtatur me sfidat e shkollimit në shtëpi dhe punës dhe po përpiqen të përballen sa më mirë,” tha Ravens-Sieberer. “Por edhe atyre po u soset durimi.”

Share

Të fundit

Të tjera nga kategoria

Gjest human: Mërgimtari që jeton në Gjermani do ta paguajë shumën për shërimin e 13 vjeçares

Dje dhe sot nëpër media ka qarkulluar thirrja për ndihmë ndaj Rinesa Danit. Për trajtimin...

9 vjeçarit nga Prizreni, Benjamin Beqirit i duhet ndihmë financiare për shërim

Benjamin Beqiri nga Prizreni, i cili po përballet me disa sëmundje që në lindje...

Alp Morina (1-vjet e gjysmë), nga Lumishta e Malishevës ka nevojë për ndihmë

Apel për ndihmë! Alp (Liridon) Morina, nga fshati Lumishtë komuna Malishevë, mosha 1vit e gjashtë...

Vipa çips: Sigurinë e kemi gjithmonë në nivel, po eksportojmë në Itali pa asnjë pengesë

Kompania ‘Pestova’ ka reaguar lidhur me lajmin që u publikua në media lidhur me...