Një vajzë kosovare e cila po studion jashtë vendit është shprehur e mërzitur pasi familja e saj nuk mund të marrë pjesë në ceremoninë e diplomimit të saj, për shkak që Kosova nuk ka liberalizim të vizave.
Ajo i është drejtuar Komisionit Evropian përmes një cicërime në Twitter, duke thënë se populli i Kosovës po punon shumë dhe është duke e bërë rrugën e saj në botë, me ose pa mbështetjen e KE’së.
“I dashur@EU_Commission Javën e ardhshme është ceremonia ime e diplomimit dhe do të jem i vetëm sepse familja ime jeton në Kosovë dhe nuk ka vizë. Faleminderit që na e bëtë këtë. Ne, populli i Kosovës, po punojmë shumë dhe po bëjmë rrugën tonë në botë, me ose pa mbështetjen tuaj”, shkroi ajo.
.Dear @EU_Commission,
Next week is my graduation ceremony and I will be there all alone because my family lives in Kosovo and has no visa. Thank you for doing this to us.
We, the people of Kosovo, are working hard and making our way in the world, with or without your support. pic.twitter.com/hSH1RCCqTK
— Dhurata (@DhurataaK) October 10, 2022
Ishte, Raportuesja për Kosovën në Parlamentin Evropian, Viola von Cramon e cila i reagoi, duke i thënë se Komisioni Evropian nuk ka faj në mosliberalizimin e vizave për Kosovën.
“Na vjen keq, është e vështirë për t’u kuptuar, por me siguri nuk është kështu. Komisioni Evropian nuk ka faj. Ata kanë rekomanduar që në vitin 2016 heqjen e regjimit të vizave, më pas i kanë përsëritur këto rekomandime pozitive në vitin 2018 dhe që atëherë nuk kanë ndryshuar mendje. Kështu bëmë edhe ne në Parlamentin Evropian”, shkroi Von Cramon.
Tutje, ajo shprehi keqardhje për rastin e vajzës dhe të mosliberalizimit të vizave për kosovarët, duke shtuar se anipse Kosova i ka plotësuar 95 kriteret që nga maji i 2018, Këshilli i BE’së, nuk e ka dhënë ende dritën jeshile për liberalizimin e vizave.
“Por një shtet anëtar individual ende po e bllokon procesin. Edhe pse Kosova i ka plotësuar të 95 kriteret që nga maji 2018 @Këshilli i BE-së nuk jep ende dritën jeshile për VisaLib. Unë ndaj zhgënjimin tuaj dhe të gjithë kosovarëve që vuajnë nga kjo padrejtësi”, shtoi Von Cramon.
