I riu ishte një nga vetëm 12 studentët ndërkombëtarë mes 1056 të diplomuarve në akademinë amerikane
Një student shqiptar ka shënuar një arritje të rëndësishme duke u diplomuar me sukses në Akademinë e Detarisë së Shteteve të Bashkuara të Amerikës, një nga institucionet më prestigjioze ushtarake në botë.
Në ceremoninë e diplomimit morën pjesë gjithsej 1056 studentë, ndërsa vetëm 12 prej tyre ishin studentë ndërkombëtarë, ku pjesë e këtij grupi ishte edhe studenti shqiptar.
Kjo arritje konsiderohet një moment krenarie për Forcat e Armatosura shqiptare dhe një dëshmi e përkushtimit, disiplinës dhe potencialit që të rinjtë shqiptarë po tregojnë në arenën ndërkombëtare.
Me këtë sukses, studenti shqiptar i bashkohet brezit të oficerëve të rinj të trajnuar në një prej akademive më elitare ushtarake në SHBA, duke hapur një kapitull të ri në rrugëtimin e tij profesional dhe ushtarak.
Urime dhe vlerësime janë shprehur për këtë sukses të veçantë, i cili vjen si një tjetër shembull i përfaqësimit dinjitoz të shqiptarëve në institucionet ndërkombëtare./Albinfo.ch
