Studenti nga Kosova fiton bursë për studimi në shkollën numër 1 në botë për Ndërmarrësi

Ky është rrugëtimi i Drin Govorit, studentit tonë të diplomuar në Menaxhment, i cili u prit nga rektori për një takim përshëndetës.

Kolegji Babson, në të cilin Drini do të studiojë për ndërmarrësi, me fokus në ndërmarrësinë e korporatave, është shkolla më e mirë në botë për më shumë se tri dekada.

Si fitues i bursës Fulbright, ai do të ketë mundësinë të fitojë njohuri dhe shkathtësi për zhvillimin e nismave ndërmarrëse brenda organizatave. Pikërisht këtë e ka bërë Drini në Fakultetin Ekonomik dhe në UP gjatë dhe pas studimeve të tij. Përveç përgëzimeve të rastit, rektori shprehu ngazëllimin për kthimin si profesionist, që do të jetë një vlerë e shtuar për vendin.