Studentët po ankohen se po mbesin pa iftar në mensë për shkak të hapësirës, ndërsa Qendra e Studentëve e ka rikthyer shërbimin ‘merr me vete’.
Ky është vakti i iftarit për studentët në Qendrën Studentore. Në këtë kohë të ditës, mensa mbushet plot me studentë.
E deri tash jo të gjithë agjëruesit, kishin vend që të ushqehen, për shkak të mungesës së hapësirës në mensë.
Mirëpo me një vendim të ri, Qendra e Studentëve ka rikthyer shërbimin “merr me vete”.
Kështu, që studentët agjërues do të mund ta hanë vaktin e iftarit.
Fahri Osmani nga Qendra e Studentëve thotë se kanë pranuar ankesa nga studentët, e që pastaj i kanë marrë parasysh ato.
Se ky vendim u ndihmon studentëve agjërues e thotë Fatlind Azizi, përfaqësues i tyre në organizatën “Paqja Studentore”.
Mirëpo Azizi shton se ndonjëherë ka edhe ankesa lidhur me llojet e ushqimeve në mensë.
Së fundmi, Qendra e Studentëve ka lejuar studentët që të dalin edhe gjatë kohës së syfyrit, për të marrë ushqim.
/T7/
