Shahzade Lutfiu nxënëse e klasës së 9-të e cila vijon mesimet në shkollen”Gjergj Kastrioti -Skenderbeu” në Mitrovicë, u zgjodh ambasadore për një ditë në ambasaden britanike në Prishtinë.
Konkursi përfshinte të gjitha vajzat e moshës 14-18 vjeçare nga e tërë Kosova, kriteri për arritjen e titullit “Ambassador for a day” ishte shkrimi i një teksti ku paraqiteshin pabarazitë gjinore dhe çfarë zgjidhje do ndërmerrnin, shkruan Jepi zë.
Ajo u zgjodh njëra ndër 5 fitueset dhe takimi do mbahet në ambasaden britanike, ku do priten nga ambasadori britanik në Kosovë dhe nga presidentja e Kosovës si dhe do të marrë pjesë në ceremoninë e ditëlindjes se mbretit britanik.
Shahzadja përndryshe është edhe anëtare e Asamblesë Komunale për të rinjtë në Mitrovicë.
