Mitrovicasi Safet Abdullahu ka doktoruar sot në fushën e ekonomisë.
Suksesin e arritur ia dedikon babit të tij të ndjerë, ish minator i Trepçës, shkruan Jepi zë.
Postimi:
Sot, më datën 11.05.2023, pas një periudhe të gjatë studimi dhe hulumtimi, mbrojta temën e doktoratës me titullin “Reforma dhe Sfidat e Edukimit Kontabël në Kosovë” pranë komisionit të përbërë nga:
Prof. Dr. Rrustem Asllanaj – kryetar
Prof. Dr. Ajet Ahmeti – anëtar
Prof. Dr. Rufi Osmani – anëtar
Falenderoj komisionin për vërejtjet dhe sugjerimet e tyre që ndihmuan në finalizimin e punës time akademike.
Padyshim se përkrahjen më të madhe e kisha nga familje ime e çmuar, nëna Raza bashkëshortja Liridona dhe dy fëmijët e mi, Lisa dhe Muhamedi, të cilët i falenderoj dhe u jam mirënjohës për jetë.
Në fund nuk mund të rri pa falenderuar njeriun më meritor për përkrahjen ndaj punës sime shkencore, mentoren time, Prof. Dr. Nexhmie Berisha Vokshi, e cila çdo herë ishte e gatshme për të më ndihmuar dhe këshilluar.
Dedikim: Mësuesit tim të parë që nga belbëzimet e mia, babës tim të ndjerë Muhamedit.
Me respekt,
Safet Abdullahu.
