Testimi i mësimdhënësve në Kosovë këtë vit nuk do të jetë obligativ. Këtë e ka bërë të ditur ministrja e Arsimit, Arbërie Nagavci.
Në dy fazat e para do të fillohet si një testim për avancim në karrierë për përfitimin e licencës së avancuar, teksa hapi i radhës do të jetë për mësimdhënësit të cilët do të hyjnë në proces dhe pastaj me kohë do të jepen informatat për të gjitha çështjet e tjera.
Për këtë ide të Nagavcit SBASHK-u thotë se nuk është i informuar, derisa ka mësimdhënës që e vlerësojnë të mirëseardhur procesin, por edhe të atillë që e vlerësojnë të pakuptueshëm.
AlbanianEducation.net ka realizuar një sondazh ku i ka pyetur lexuesit: A duhet të testohen edhe drejtorët e shkollave?
97% e lexuesve kanë thënë se ‘PO’ duhet të testohen edhe drejtorët.
3% kanë thënë se ‘JO’ nuk duhet të testohen drejtorët.
