Prej shtatorit të vitit shkollor 2022/23 do të rikthehet vlerësimi i nxënësit në arsimin parauniversitar në dy periudha, siç ka qenë para vitit 2016.
Ministria e Arsimit, Shkencës, Teknologjisë dhe Inovacionit parasheh që me udhëzimin e ri administrativ vlerësimi të bëhet në gjysmëvjetorin e parë dhe gjysmëvjetori e dytë, duke e hequr vlerësimin që ishte i përcaktuar deri më tani me UA të vitit 2016, ku përfshihej vlerësimi para pushimit pranveror.
Sociologu Jeton Brajshori ka thënë për Koha Vision se kujdes të shtuar duhet të ketë te vlerësimi i fëmijëve të nivelit fillor dhe parafillor.
Sipas tij, duhet të përpilohen mekanizma që nuk bëjnë krahasime ndërmjet fëmijëve.
“Është problematike për arsyeje nuk duhet të krahasohen dhe të krijohen barriera qysh në fillim sepse ata janë ende të vegjël dhe ende presin që ta krijojnë personalitetin e tyre. Në momentin që bëhen krahasime, siç e kemi pasur vlerësimin më herët, kanë marrë nota më të mira, ky është nxënës më i dobët, atëherë stigmatizohet fëmija se është më i dobët”, ka thënë ai.
