Skandaloze: Në librin e matematikës për klasën e dytë, 5×7 bëjnë 36

Nxënësit kosovarë po vazhdojnë të mësojnë me tekste shkollore të cilat janë me gabime.

Një i tillë është libri i matematikës për klasën e dytë ku është gjetur një gabim elementar.

Nga fotografitë e dërguara nga një lexues në “Jepi zë”, shihet se në këtë libër është shkruar se 5×7 bëjnë 36, në vend të 35.

Prindërit janë shprehur të shqetësuar për këto gabime sepse nxënësit po hasin në vështirësi gjatë mësimnxënies.

Ndryshe, gabime nëpër tekste shkollore ishin raportuar edhe më parë për shkak të gjuhës jo të duhur që ishte përdorur në to.