Shtatzënia është një fazë që ngërthen në vete ndryshime të mëdha në nivelin fizik dhe emocional të nënës.
Me vazhdimin e marrjes së vitaminës tuaj prenatale dhe mbajtjen e kujdesit para lindjes me profesionistët shëndetësor ka mënyra për të nxitur më së miri fazat e rritjes dhe zhvillimit të foshnjës tuaj gjatë tremujorit të dytë, shkruan Baby Center përcjell Gazeta Shneta.
Këto janë disa këshilla që ju ndihmojnë në zhvillimin dhe funksionalitetin e duhur të organeve dhe shëndetit të plotë të foshnjës në rritje.
– Ushqehuni për shëndetin e trurit të foshnjës
Peshku që është i pasur me acide yndyrore Omega-3 si DHA mund të rrisë fuqinë e trurit.
Synoni gjithashtu të hani produkte të pasura me antioksidantë, si zarzavate me gjethe të errëta, papaja, boronica dhe domate, si dhe shumë proteina për ndërtimin e qelizave dhe prodhimin e hormoneve të nevojshme.
– Ushqehuni për një nivel të stabilizuar të sheqerit në gjak
Diku midis javëve 24 dhe 28 ju do të bëni një kontroll të glukozës për të përcaktuar rrezikun e zhvillimit të diabetit gestacional.
Miratimi i një diete të ekuilibruar me proteina, fibra, yndyrna të shëndetshme dhe karbohidrate komplekse do të ndihmojë në mbajtjen e sheqerit në gjak në formë të qëndrueshme.
Ndërkohë që nuk keni nevojë të modifikoni dietën tuaj posaçërisht për testin e glukozës, kjo metodë e të ngrënit e mban energjinë tuaj dhe mund të ndihmojë në parandalimin e shtimit të tepërt të peshës, si dhe të shmangë që ju ose fëmija juaj të fitojë peshë më shumë.
– Hidratojuni me ujë
Pirja e mjaftueshme e ujit është e lidhur me një mori përfitimesh në shtatzëni dhe më gjerë. Është e mirë për ju, për fëmijën dhe e mirë për periudhën pas lindjes së rikuperimit dhe ushqyerjes me gji.
Bonus: Hidratimi redukton edemën ose ënjtjen e shtatzënisë, sepse trupi juaj nuk ruan aq shumë ujë në indet e tij.
– Shkoni te dentisti
Është një fakt më pak i njohur se higjiena e dobët e dhëmbëve është e lidhur me lindjen e parakohshme.
Mbani dhëmbët dhe mishrat e dhëmbëve tuaj të shëndetshëm duke marr kontrollë të rregullt me të njëjtën vëmendje që i keni bërë vizitat para lindjes dhe vazhdoni t’i jepni përparësi shëndetit tuaj oral.
– Ushtroni për 30 minuta çdo ditë
Rritja e rrahjeve të zemrës për gjysmë ore çdo ditë rekomandohet për një shtatzëni të shëndetshme.
Nuk duhet të jetë tepër e mundimshme ose t’ju lërë të ndiheni pa frymë; një shëtitje e shpejtë është një opsion i shkëlqyeshëm, siç është noti dhe joga prenatale për të qëndruar të butë ndaj nyjeve tuaja që dhembin. Kjo është gjithashtu një kohë e mirë për të modifikuar ushtrimet bazë për të shmangur shtrirjen në shpinë dhe presionin e tepërt në bark.
