A e keni pyetur ndonjëherë veten nëse lëvizni mjaftueshëm?
Një ditë ndodh të punojmë më gjatë në zyrë, ditën tjetër përtojmë të dalim dhe zgjedhim një film në Netflix, e ndërsa të nesërmen, meqë s’kemi shumë kohë, porosisim ushqim online. Çfarë do të thotë kjo?
Që nuk po kalisni mendjen dhe trupin aq sa duhet për një stil të shëndetshëm jete. Trupi jep sinjale për t’jua bërë më të qartë se duhet të filloni lëvizje më të shpeshta, por cilat janë?
1. Sytë janë më të fryra se zakonisht
Një jete sedentare është gjëja më e keqe që mund t’i bëni vetes. Sytë e fryrë për periudha të gjata janë si pasojë e qëndrimit në një vend për një kohë të gjatë. Mund ta ndryshoni këtë duke bërë yoga, shëtitje në park ose thjesht të pushoni siç duhet.
2. Keni probleme me kapsllëkun
Ushtrimet fizike janë shumë të rëndësishme edhe për metabolizmin. Nëse pjesën më të madhe e kaloni ulur, duhet më shumë që ushqimi të tretet siç duhet. Për pasojë mund të keni probleme me sistemin tretës dhe kapsllëkun. Edhe disa ushtrime 15 minutëshe do t’ju vinin në ndihmë për t’u ndjerë më të lirshme dhe për të reduktuar probleme të tilla.
3. Harron shpejt
Një tjetër shenjë që nuk je aktive sa duhet! Nëse harron shpejt çfarë kishe në mendje apo çfarë duhet të bëje, konsidero të lëvizësh më shumë. Ata që bëjnë jetë sedentare zakonisht shkojnë drejt ndryshimeve strukturore në tru dhe për pasojë, kujtesa nuk është aty ku duhet të jetë. Ushtrimet fizike do t’ju ndihmonin shumë për ta rikthyer këtë.
4. Ju dhembin gjunjët.
Lëvizja është e vetmja zgjidhje për të forcuar dhe mbajtur në formë gjymturët. Duke u ushtruar ju parandaloni artritin, reumatizmën dhe dhimbjet e gjunjëve. Duke u ushtruar rregullisht muskujt forcohen dhe ju bëheni më fleksibël.
5. Jeni më të dhënë pas ëmbëlsirave
Aktiviteti fizik mbyt dëshirën për ta tepruar me ëmbëlsira. Do ta ndjeni veten më energjikë dhe më shumë endrofinë do të çlirohet në trupin tuaj. Hormoni i lumturisë është ai që do të zvogëlojë dëshirën për të ngrënë gjëra më shumë sheqer. Në të njëjtën kohë, duke lëvizur sa duhet mbani larg depresionin, ankthin dhe probleme të tjera të shëndetit mendor./anabel
